سليم بنتبهش انو مش لازم يتقل بالأكل الا لما يكون صار ناسف نص طنجرة الورق والكوسا محشي... مع انو أول ما يلمحها متستتة وجاهزة آخر جهوزية تحضر في مخليته لوهلة صورته وهو جاعص عالكرسي وبطنو منتفخ ومش قادر يتحرك – بس بتجاهلها وبستمر في مهمته الواحدة والوحيدة المنصوبة امام عينيه في هديك اللحظات، وفقط بعد ان ينتهي منها بنتابه نوع من الشعور بالندم وهاجس كأنو بقول "هاي الوجبة اللي بدها تطلق كرشة الجمل".
سليم بتذكرش انو بني آدم لطيف الا بعد ما يكون مزعل امه او مطاوش مع حدا خاصة اذا بكون ماسح فيو الأرض، مع انو قبل الطوشة وبعد الطوشة المفروض بعرف حالو منيح ومتأكد انو بني آدم لطيف بس بالذات خلالها، وقت الحزة واللزة، بتهرب هالحقيقة من وعيه الى لاوعيه لأسباب عم بحاول يكتشفها من مدة دون ان تتكلل محاولاته بالنجاح - بعد.
سليم لما يكون زعلان رسائله (الس.م.س) بتكون اقصر مما هي عليه لما يكون مبسوط، الأمر الانساني والطبيعي، بس سليم لما يكون زعلان ببطل يستعمل التلات نقاط (...) بتاتاً ونادراً ما يستعمل الفواصل بهيك حالة،، في البدايات كانت تضايقلو خلاقه ومع مرور الوقت تحولت بحد ذاتها لرساله بتقول انو خلاقه مضيَقة !
سليم بكش من العبارات المستهلكة اللي بتتبادلها الناس بمناسبة، وبدون مناسبة، بس الا ما يقع بشي موقف وبعرفش من وين بتتطلع معو عبارة على وزن "بالمال ولا بالعيال"...وأول ما يطلع منو هالحكي، بتصرف كأنو طالع من حدا تاني وبحاول يخلص العبارة بسرعة بسرعة قبل ما حدا ينتبه عليه – او قبل ما ينتبه لحاله !
سليم بستعمل الفعل "جلط" ومشتقاته بطريقة قد تبدو للسامع في غير مكانها الا ان ذلك يأتي ايمانا منه بأن هنالك امور ايجابية ممكن تجلط (!!) وبأن "بتجلط" عامةً ما انكتب عليها ترتبط بالامور السلبية كما لم يكتب على البشر ان يحكوا عن الامور الايجابية فقط بافعال منيحة ولزيزة وخفيفة دم.
سليم بعد ما يتعرف على صبية بفترة، لا تتعدى ال- 6 أشهر عادةً، نفس الاشياء اللي بكون يحبها فيها بتصير تجلطو فيها وبصير مخنوق ومتضايق وبدو "بريك" و"السبيس" تبعو لدرجة انو بخطب وبتزوج خلال 3 أسابيع،، 99.95% الاحتمال انو ما كان يعرف الصبية قبل، و 0.05% الاحتمال انو كان حاكي معها جملة او نص، وبكل الاحتمالات فش عندها فكرة بالمرة عن ايش بحكي لما يقلها انو بحاجة ل"سبيس" تبعو- بس لما يبلش يحكي حكي من هالنوع بتتركه بحاله وبتنزل تشرب قهوة مع جاراتها !
وسؤالنا لهذه الحلقة:
هل أنت سليم؟ وهل سليم سليم؟؟
تنويه: يرجى التشديد على انو ما في جوائز حتتوزع، لا سيارات ولا برادات ولا حتى مكاوي،، مش لأنو بالعاده بطلع حكي فاضي وبأقصى حد صاحب الجريدة بكون مزبط الجائزة لإبن عمو،، بس لأنو ببساطه ما في جواب واحد صحيح ل"سليم اللغز" واللغز اساساً مش سليم !
سليم بتذكرش انو بني آدم لطيف الا بعد ما يكون مزعل امه او مطاوش مع حدا خاصة اذا بكون ماسح فيو الأرض، مع انو قبل الطوشة وبعد الطوشة المفروض بعرف حالو منيح ومتأكد انو بني آدم لطيف بس بالذات خلالها، وقت الحزة واللزة، بتهرب هالحقيقة من وعيه الى لاوعيه لأسباب عم بحاول يكتشفها من مدة دون ان تتكلل محاولاته بالنجاح - بعد.
سليم لما يكون زعلان رسائله (الس.م.س) بتكون اقصر مما هي عليه لما يكون مبسوط، الأمر الانساني والطبيعي، بس سليم لما يكون زعلان ببطل يستعمل التلات نقاط (...) بتاتاً ونادراً ما يستعمل الفواصل بهيك حالة،، في البدايات كانت تضايقلو خلاقه ومع مرور الوقت تحولت بحد ذاتها لرساله بتقول انو خلاقه مضيَقة !
سليم بكش من العبارات المستهلكة اللي بتتبادلها الناس بمناسبة، وبدون مناسبة، بس الا ما يقع بشي موقف وبعرفش من وين بتتطلع معو عبارة على وزن "بالمال ولا بالعيال"...وأول ما يطلع منو هالحكي، بتصرف كأنو طالع من حدا تاني وبحاول يخلص العبارة بسرعة بسرعة قبل ما حدا ينتبه عليه – او قبل ما ينتبه لحاله !
سليم بستعمل الفعل "جلط" ومشتقاته بطريقة قد تبدو للسامع في غير مكانها الا ان ذلك يأتي ايمانا منه بأن هنالك امور ايجابية ممكن تجلط (!!) وبأن "بتجلط" عامةً ما انكتب عليها ترتبط بالامور السلبية كما لم يكتب على البشر ان يحكوا عن الامور الايجابية فقط بافعال منيحة ولزيزة وخفيفة دم.
سليم بعد ما يتعرف على صبية بفترة، لا تتعدى ال- 6 أشهر عادةً، نفس الاشياء اللي بكون يحبها فيها بتصير تجلطو فيها وبصير مخنوق ومتضايق وبدو "بريك" و"السبيس" تبعو لدرجة انو بخطب وبتزوج خلال 3 أسابيع،، 99.95% الاحتمال انو ما كان يعرف الصبية قبل، و 0.05% الاحتمال انو كان حاكي معها جملة او نص، وبكل الاحتمالات فش عندها فكرة بالمرة عن ايش بحكي لما يقلها انو بحاجة ل"سبيس" تبعو- بس لما يبلش يحكي حكي من هالنوع بتتركه بحاله وبتنزل تشرب قهوة مع جاراتها !
وسؤالنا لهذه الحلقة:
هل أنت سليم؟ وهل سليم سليم؟؟
تنويه: يرجى التشديد على انو ما في جوائز حتتوزع، لا سيارات ولا برادات ولا حتى مكاوي،، مش لأنو بالعاده بطلع حكي فاضي وبأقصى حد صاحب الجريدة بكون مزبط الجائزة لإبن عمو،، بس لأنو ببساطه ما في جواب واحد صحيح ل"سليم اللغز" واللغز اساساً مش سليم !
ليست هناك تعليقات:
إرسال تعليق